2020.
Eysturoyartunnilin letur upp 19 desembur.
Í dag 19.12.2020 kl. 12 lat Eysturoyartunnilin upp, Eysturoyartunnilin er næstlongsti undirsjóartunnil í heiminum, Jørgen Niclasen landsstýrismaður klipti snórin og var tann fyrsti, ið koyrdi ígjógnum Eysturoyartunnilin.
Eysturoyartunnilin knýtir Skálafjørðin og Havnina saman við einum undirsjóvartunli, ið tilsamans verður góðar 11 kilometrar langur.
Tunnilin styttir farleiðina millum Tórshavn og Runavík/Strendur úr 55 kilometrum niður í 17 kilometrar. Koyritíðin, sum nú er 64 minuttir, verður stytt niður í 16 minuttir. Úr Tórshavn til Klaksvíkar verður koyritíðin stytt úr 68 minuttum niður í 36 minuttir.
Tunnilinknýtir báðar síðurnar á Skálafjørðinum saman við tveimum tunlum til eina rundkoyring undir havbotninum á miðjum fjørðinum. Frá høvuðsvegnum í Rókini í Saltnesi oman til rundkoyringina er tunnilin 2,2 kilometrar langur, og teinurin frá Sjógv á Strondum til rundkoyringina er 1,7 kilometrar. Høvuðstunnilin millum Tórshavn og rundkoyringina er 7,5 kilometrar og kemur upp á Hvítanesi. Til tess at økja um trygdina er mesta hallið í tunlinum 5 prosent og lægsta punkt er 187 metrar undir sjóvarmálanum.
Túr til Saksunar 18 august.
18. august í 2020 var felagið ein felagstúr til Saksunar. Høvið beyðst, tá ið felagið fekk vitjan av tveimum sera fryntligum hjúnum, sum koyrdu runt við hvør sínum gamla Chevrolet. Talan var um ein gulan og ein reyðan 1969 Corvette. Parið í tí reyða eru Katja og Martin Bernoulli, sum eru úr Sveis. Í tí gula eru Elvira Nagel og Frank Romanowsky úr Týsklandi.
Fyrstu ferð, tey hoyrdu um Føroyar, var tá ið tey fyrireikaðu túrin og hugdu eftir ferðaseðlum við Norrønu. Vit hildu at tað hevði ligið væl fyri at steðgað nakrar dagar her á vegnum víðari og koyra eitt sindur runt á nøkrum oyggjum, sum vit ikki vistu nakað serliga nógv um. Men so kom korona og broytti alt, og vit tóku eina spontana avgerð um at vera alla frítíðina her í staðin. Og tað hava tey ikki angrað. Tey vóru serlig ovfarin av, hvussu vøkur náttúran er. Sum sveisarar vildu vit helst lýst Føroyar sum alpurnar, men við færri trøum, men meiri sjógvi. Kann tað vera betri? Og teir snúgvandi vegirnir eru perfektir til ein Corvette at koyra á.
Áhugin fyri túrinum var hampiliga stórur sum tað sæst á myndunum.
Túrur til Suðuroy 30 mai.
So ein túr til Suðuroy í góðveðrinum at brenna bensin og gummi.
Velbastað-Kirkjubøð 11 juni.
Hóskvøldi 11 juni samlaðust ellisakfør við felagshúsið, fari var ein túr til Velbastað og Kirkjubø og so sjálvandi runt í Havnuni at brenna bensin og gummi - hvat tá
